ماذا تفعل لو جهت لك هذه الرساله

اخواني لو كنت يوما في منتدى تحبه ويحبك وقد جهزت نفسك لتكن مشرفا وشخصا فعالاً وجهزت بعض المواضيع لنشرها ووجدت هذه الرساله


لقد تم طردُك من هذا المنتدى
لِغاية 3 شهور
السبب: الاخلال بالاداب العامة

ارجو ارسال الردود حتى نعرف كيف نفعل في مثل هذه المواقف

مرحبا ابو الحب ............

اول شي بحب احكيلك انت عنجد غلطت يا ابو الحب ..... ما بصير تحط هيك موضوع في هذا المنتدى وخاصة انك انت حكيت انك بتحب هذا المنتدى . طيب ليش اعملت هيك ؟؟؟؟؟؟؟

وعلى فكرة ابو جودي معه حق يزعل لإنه هذا منتداه وبحب انه يشوفه خالي من كل العيوب وانا بصراحة ما بلومه . وهو ما غلط . وكمان هو بحب يشوف هذا المنتدى خالي من هيك مواضيع ابو الحب . ومو بس ابو جودي زعل واعضاء المنتدى اللي بحبوا هذا المنتدى كمان زعلوا ....... وانا منهم.

بس يا ابو الحب اللي صار صار . وهذا الشي صار حتى يكون عبرة النا والك . ولازم بعدين نكون اكتر دقة في اختيار المواضيع .
وهاي خطوة جريئة منك انك حطيت هذا الموضوع وطلبت الردود من اعضاء المنتدى ارجو ارسال الردود حتى نعرف كيف نفعل في مثل هذه المواقف

ابو الحب شو بدك تعمل .... هو انك تفتح صفحة جديدة مع ابو جودي ....... ومعنا . واحنا جاهزين ....... وكلنا قلب مسامح ..... بس لو كان هذا الإعتذار من قلبك . اتفقنا .
واهم شي انك تكون عارف انك غلطت ..... عشان ما تزعل من اي حدا منا .... لا انا ولا ابو جودي ..... ولا اي عضو بالمنتدى والله ما يجيب زعل ان شالله .... بتمنى ابو الحب اني اسمع تعليقك.... وهل الحل عجبك ولا لأ .

السلام عليكم ..

أنا بتشكر مشرفاتنا واخواتنا اختي منعشة القلوب واختي عطر الندى على كل شي قدموه لهالمنتدى ..

وبحب ذكر انه هالمنتدى مو منتداي وحدي هالمنتدى منتدى عطر الندى ومنعشة القلوب ورنوش وكل عضو قبل ما يكون منتداي ..

وانا حوضح رأيي مع اني سبق ووضحتلك ياه بس كونك فتحت الموضوع فأنا رح جاوبك على سؤالك يا معلم ..

انت بعتلي رسالة وانا رديت عليك وهي رسالتي اللي سبق ورديت عليك فيا ..
( عزيزي ابو الحب ..

انا لست مخولا بمنعك من المنتدى فالله هو الذي يمنع ولست أنا ، وهذا ليس طردا كما فهمته انت ولكنه إبعاد وليس لأنك شخص غير سوي فالله اعلم منا بك ولكن هو ابعاد للإسم وليس للشخصية هذا من ناحية ومن ناحية أخرى فأنا لم أقم بحظر الاي بي الخاص بك لأني أرحب بشخصك وليس بالاسم ..

نقطة مهمة أخرى وجب ذكرها نقلك لموضوع مثل هذا شمل ما شمل من المفردات الإباحية هو خطأ كبير وليس موضوعا عاديا فانت تحب هذا المنتدى وأعضائه كما ذكرت سابقا وأنا متأكد أنك تغار مثلما اغار على كل عضو فيه شابا كان إم فتاة وهذا أوجب نقطة سوداء إستوجبت هذا النوع من الابعاد فمسألة الإباحية في الموقع ( مع إحترامي لك ) مسألة لا تتحمل عندي مجرد التفكير في استبعاد الكاتب مهما يكن ..

أرحب بك من جديد إن وددت وأدعو لك بكل ود في حال خسرناك معنا .. ( لا قدر الله )

أبو جودي )

بتمنى ما تناقش بالغلط ..
وبعتذر من جميع الاخوة والاخوات اعضاء المنتدى ..
الطريقة اللي استعملتها معك كانت هي الجزاء للمخالفة الشنيعة اللي ارتكتبتها ..

وهلق حجاوبك على سؤالك ..
أنا يلي بعمله لو وجهتلي هيك رسالة ..
بعتذر عن غلطتي هاد اول شي لازم تعمله ولهلق ما شاء الله ما عملته ..
تاني شي بحاول بيض الصفحة يلي زادها موضوعك المبلبل بلبلة ..
تالت شي بقدر شعور باقي الاعضاء ...

وبالنهاية : بتمنى منك تقفل هالسيرة لأنه الموضوع أخذ أكتر من حده ..

اشكركم جميعا
اول شي اقدم اعتذاري الشديد من جميع المشرفين والاعضاء وارجو قبول اعتذاري .
ثاني شي ان شاء الله ما بنعاد الكلام في هذا الموضوع .
ثالث شي ان شاء الله بكون لي حافز لاقدم ما يغفر لي خطأي من مواضيع مميزه وحلوة ومفيده .
واخيرا وليس اخرا
اتمنى ان نسموا بمنتدانا الى القمه
ولكم مني كل الود والمحبه
وانا والله اني احببتكم اكثر من البدايه لانكم ما جاملتوني وعرفتوني الخطأ

اهلا فيك يا ابو الحب............عضو جديد .............واخ عزيز و قديم................

وانا والله اني احببتكم اكثر من البدايه لانكم ما جاملتوني وعرفتوني الخطأ

شكرا لك على هالكلام الطيب ........ أهلا وسهلا فيك من جديد في منتداك ........